FTESË
PËR PJESËMARRJE NË TAKIMET E DHJETA NDËRKOMBËTARE TË
BJESHKATARËVE
‘’GËRMIA 2016’’
(03.09.2016 – 04.09.2016)
Të nderuar bjeshkatarë,
Shoqëria Bjeshkatare Alpiniste “Prishtina”, ju fton të merrni pjesë në Takimet e dhjeta ndërkombëtare të bjeshkatarëve – “Gërmia 2016” në Prishtinë, takime këto që mbahen çdo vit.
Kryesia e SHBA “Prishtina”, me qëllim të njohjes së pjesmarrësve edhe me vendet tjera të Kosovës, ka vendosur që këtë vit Takimi i bjeshkatarëve, i karakterit ndërkombëtar, që organizohet nga Shoqëria Bjeshkatare Alpiniste Prishtina, nën patronatin e Federatës Bjeshkatare Alpiniste të Kosovës si dhe me përkrahjen e institucioneve relevante të Kosovës, të mbahet në Gërmi, Prishtinë.
Qëllimi i aktiviteteve:
– Afirmimi, masovizimi dhe vendosja e raporteve të reja ndërmjet Shoqërive Bjeshkatare dhe Federatave të rajonit dhe më gjerë.
– Njohja e pjesëmarrësve me bukuritë natyrore të Parkut të Gërmisë.
– Njohja reciproke e pjesëmarrësve dhe shkëmbimi i përvojave.
– Edukimi i të rinjve për mbrojtjen dhe ruajtjen e ambientit.
– Zhvillimi i marshutave të ecjes.
Aktivitetet bjeshkatare:
Ecje nga “Qendra rekreative” deri tek LIQENI I BADOVCIT përgjatë “SHTEGUT TË MURRIZAVE” (vizitë “Pyllit të Arinjve”), kurse kthimi përgjatë “SHTEGUT TE THANAVE”, kah “ANTENAT” deri te “QENDRA REKREATIVE”
Gjatësia e shtegut rreth 20km.
Ecje mesatarisht e lehtë
Tubimi, akomodimi dhe aktivitetet argëtuese do të mbahen në Gërmi, në ”Qendrën rekreative” (te koshat) në Gërmi, rreth 5 km larg nga qendra e Prishtinës.
Participimi :
10.00 € për person, për ata që shfrytëzojnë për fjetje kasollet e drurit, të cilat gjenden në kuadër të ”Qendrës rekreative”.
5.00 € për person, për ata të cilët do të flenë në tenda personale, si dhe për pjesmarrësit nga Prishtina.
Në çmim janë të përfshira edhe:
- Kokteji gjate hapjes solemne
- Darka ( e shtunë)
- Mengjesi ( e dielë)
- Një shujtë (para nisjes per ecje)
- Dreka (pas kthimit nga ecja)
Pjesëmarrja juaj do ta pasurojë këtë takim dhe do të hapë mundësi që ta zgjeroni rrjetin tuaj të komunitetit bjeshkatar dhe alpin, si brenda Kosovës ashtu edhe në rajon dhe më gjerë.
Është e domosdoshme të bëni lajmërimin e pjesëmarrjes së Shoqërisë tuaj, me numrin e saktë të anëtarëve dhe me listën e emrave të anëtarëve që do të marrin pjesë (e preferuar deri me datën 28/08/2016) e më së largu deri me datën 31/08/2016 ora 20:00, në mënyrë që të bëhet sistemimi më korrekt nëpër dhoma.
Vendet për fjetje në kasolla (bungallova) janë të limituara.
Kasollat (bungallovat) janë të pajisura me nga 4 krevatë, banjo me dush, frigorifer,…
Për akomodim ështe edhe mundësia e vendosjes së tendave personale, në oborrin e “Qendres rekreative”.
Me rastin e paraqitjes, të precizohet:
- fjetja në tendë personale
- fjetja në kasollë (bungallov)
- pa fjetje
Për të gjithë të interesuarit, data e fundit e paraqitjes është 31 Gusht 2016, ora 20:00h.
Personat kontaktues:
Për shoqëritë brenda Kosovës;
Teuta Bicaj 044/049/257170, E-mail: teutab68@yahoo.com
Për anëtarët e SHBA “Prishtina”:
Permes formularit: https://goo.gl/forms/0eIrCRNEmf4KbVhm1
Ose shkruani e-mail ne: info@shba-prishtina.com
Per detaje shtese, kontaktoni Petritin 049 787 927 ose Editen 044 897 979
Për shoqëritë jashtë Kosovës:
Gani Syla +377 44 168370; E-mail: ganni.syla@hotmail.com
Orari I aktiviteteve
Dita 1, E ShtunË 03 Shtator 2016
10:00 – 12:00 Arritja e pjesëmarrësve
13:00 – 16:00 Ushtrime ne murin alpin (KA “Dardania”- Prishtinë)
16:00 – 18:00 Ushtrime për orientim në natyrë (KO “Dardania”- Prishtinë)
18:00 –19:00 Basketboll
19:00 – Hapja solemne e takimit
19:30 – Darka
20:00 – Argëtim
Dita 2, E DielË 04 Shtator 2016
07:00 – Zgjimi
07:30 – Mëngjesi
08:00 – Nisja e marshutës për tek Pylli i Arinjve
12:00 – Arritja tek Pylli i Arinjve
12:00 – 13:00 Pushim
13:00 – Kthimi për në Gërmi
16:00 – Dreka
18:00 – Shperndarja e pjesëmarrësve
Pjesëmarrësit do të udhëhiqen nga anëtarët e SHBA Prishtina.
Bjeshkatarët duhet të kenë me vete gjithë pajisjet e nevojshme bjeshkatare!
Përgjegjësia për gjendjen fizike dhe psiqike është individuale!
Janë të njoftuara Mjetet e Informimit, Policia, Shërbimet Emergjente dhe Mjekësore.
Ju mirëpresim!
Prishtinë/Kosovë
17 Gusht 2016
Këshilli organizativ
Sh.B.A. “Prishtina” – Prishtinë