Maja Karanfil (Maja Veriore), 2460 m | 25–26 korrik 2026

Shoqëria Bjeshkatare Alpiniste Prishtina ju fton të merrni pjesë në aksionin e radhës – ngjitjen në majën Karanfil (Maja Veriore), 2460 m, në komunën e Gucisë, Mali i Zi, më 25–26 korrik 2026.

Maja Karanfil konsiderohet një nga majat më mbresëlënëse të Bjeshkëve të Nemuna dhe ofron një përvojë të jashtëzakonshme për bjeshkatarët me përgatitje të mirë fizike dhe teknike.

Programi

E shtunë, 25 korrik 2026

•           Nisja nga Prishtina në ora 06:00, nga Fontana në Ulpianë.

•           Gjatë udhëtimit planifikohet vizita në liqenin e Hridit (i njohur edhe si “Liqeni i Zanave”), nëse kushtet atmosferike janë të favorshme dhe rruga është e kalueshme me automjete deri në afërsi të liqenit.

•           Fjetja në Grebajë ose Vuthaj.

E diel, 26 korrik 2026

•           Pikënisja e ecjes nga lugina e Grebajës (1100 m) në ora 05:00.

•           Kohëzgjatja e paraparë e ngjitjes dhe zbritjes: rreth 8 orë.

•           Vështirësia e shtegut: Ngjitje e vështirë.

Transporti do të organizohet me xhipat e ShBAP-së, minibus (varësisht nga numri i pjesëmarrësve) ose me vetura private.

Kostoja

•           Transporti: 20 EUR

•           Fjetja: 15–20 EUR (sipas akomodimit)

Paraqitja bëhet përmes formularit.

Afati i fundit për paraqitje: e premte, 24 korrik 2026, ora 12:00.

Pajisjet e domosdoshme

•           Veshmbathje dhe këpucë adekuate për terren malor dhe kushtet e stinës.

•           Helmeta është e detyrueshme.

•           Rekomandohen gjithashtu dorëza, syze dielli, krem mbrojtës nga dielli, ujë dhe ushqim i mjaftueshëm për ditën.

Përgjegjësia për përgatitjen fizike, psikike dhe pajisjet personale është individuale.

Ju mirëpresim të ndajmë së bashku një fundjavë plot aventura dhe bukuri natyrore në Bjeshkët e Nemuna!