Shpella e Kabashit, Kanjoni i Holtës dhe Ujvara e Sotirës, Gramsh/Elbasan/Shqipëri | 26-27 shtator 2026
Shoqëria Bjeshkatare Alpiniste “Prishtina” ju fton të merrni pjesë në aksionin e radhës – vizita në: Shpellën e Kabashit, Kanjonin e Holtës dhe Ujvarën e Sotirës, Gramsh/Elbasan/Shqipëri, më 26-27 shtator 2026.
Kur flitet për bukuritë natyrore të Gramshit, vend kryesor zë Shpella e Kabashit. Është një nga shpellat më unike në Shqipëri dhe ndoshta nga më të bukurat në Ballkan. Ndodhet në afërsi të fshatit Kabash, 28 km nga qyteti Gramsh në lartësinë 900 m mbi nivelin e detit. Ajo është e formuar nga shkëmbinjtë gëlqerorë të Kretës së Sipërmë dhe ka një gjatësi rreth 120 m. Nga banorët e zonës njihet ndryshe edhe si “Shpella e Farricës”. Deri te Shpella e Kabashit ka ecje, rreth 3 orë vajtje-ardhje.
Rekomandohen pajisjet:
Veshmbathje dhe këpucë adekuate për terren malor dhe kushtet e stinës, helmetë (kush ka), dritë koke.
Kanioni i Holtës ndodhet pranë Gramshit, në qarkun e Elbasanit, në Shqipërinë e mesme.
Në Kanionin e Holtës ecja bëhet në shtratin e lumit dhe në disa pjesë kaloni nëpër ujë; niveli mund të arrijë nga kyçet deri në bel, e më thellë, “hiking në kanion + ecje në ujë”.
Duhet pasur me vete:
Rroba banje ose pantallona të shkurtra sportive që thahen shpejt.
Atlete të vjetra që mund të lagen ose këpucë të mira për ujë, me kapje të fortë. Jo të ecni zbathur, sepse gurët janë të rrëshqitshëm.
Peshqir + komplet rrobash të thata për pas përfundimit të ecjes.
Ujëvara e Sotirës, ndodhet pranë fshatit Sotirë, në zonën e Gramshit, dhe është shpallur Monument Natyror. Ujëvara bie nga një shkëmb mbi 100 metra i lartë, duke krijuar disa kaskada mbi terrenin gëlqeror.
Programi
E shtunë, 26 shtator 2026
- Nisja nga Prishtina në ora 06:00, nga Fontana në Ulpianë.
- Prishtinë – Elbasan — Gramsh
- Vizitë në Shpellën e Kabashit
- Fjetja në Gramsh.
E diel, 27 shtator 2026
07:00 -14:00, vizitë të Ujvara e Sotirës dhe Kanjonit të Holtës.
14:00, nisja për Prishtinë.
Transporti
Transporti do të organizohet me xhipin e ShBAP-së, dhe me vetura private (varësisht nga numri i pjesëmarrësve)
Kostoja
- Transporti: 50 EUR
- Fjetja: rreth 20 EUR
- Ushqimet: individuale
Paraqitja
Paraqitja bëhet përmes formularit.
Afati i fundit për paraqitje:
E enjte, 24 shtator 2026, ora 18:00.
Përgjegjësia për përgatitjen fizike, psikike dhe pajisjet personale është individuale.
Ju mirëpresim të ndajmë së bashku një fundjavë plot aventura dhe bukuri natyrore në Gramsh!